( معني الحب )

موضوع: ( معني الحب ) الثلاثاء سبتمبر 08, 2009 1:42 pm

ايه هو الحب ... وازاي تقدر تعيش عمرك كله لحد تحبه ... ازاي قدرت تشده وازاي شدك
ليه قلبك لما بتقرب منه بيدق ... ليه عيونك بتبقي حيرانه لما بتشوفه
ليه قلبك اختاره ... ليه بتفكر فيه ليل نهار وتحتار وتسال نفسك هو عامل ايه
ليه لما بيبعد عنك بتقلق عليه وبرضه بتحس انه قريب من قلبك مهما كان بعيد

كل ده مش هتقدر تجاوب عليه غير بان
الحب اجمل شيء في الدنيا ممكن يتحس بيه من قريب من صديق او من حبيب
الحب يعني ثقه بين اتنين اتقابلوا حبوا بعض حسوا ببعض قربوا اكتر
اتمنوا انهم يعيشوا العمر كله مع بعض مش يفرقهم اي شيء في الدنيا ديه

الحب مش كلام وبس الحب افعال واحاسيس ومشاعر دافيه تحسسك انك مالك الدنيا
ليه لما بتحس انك متضايق او زعلان اول حضن بتروحله للي بتحبه ويحبك
وحاسس انك مجرد ماحكيت ليه قلبك استريح من كل الي فيه
هو انك تكون متطمن ان حبيبك جنبك وحاسس بان الدنيا امان
لما بتحس انه بعيد بتبقي ناقصك حاجه مهمه بتدور عليها بكل مشاعرك واحساسك

الحب هو ان لما تحس بيه بيبكي من جواه تبكي معاه وتحس بيه وتكون جنبه
الحب هو ان لو حبيبك متضايق وانت تكون زعلان منه تنسي كل حاجه مضيقاك منه
وتروحله تسمعله وتقف جنبه

الحب يعني وعد بين اتنين حبوا بعض بجد وعدوا بعض انهم يعيشوا مع بعض في الحلو والمر

الحب يعني ثقه بين قلبين مهما كنت فين عارف ان قلبه عمره ما هينساك
لما بتكون متضايق منه مش بتلاي غير برضه حضنه الي ترجعله وتشتكي ليه
لما بتمسك ايده وتبص في عنيه بتحس بلهفه قلبه قبل ما تحس بقلبك

كلام الدنيا كله لايمكن يوصف معني الحب ايه
MR.MOSTAFA

» معني الحب
» ما الذي يميز الحب الحقيقي عن الحب الزائف؟
» ما هوا الحب
» ما هو الحب ؟؟؟؟
» `·.¸¸.·¯`··._.· أخلاق الحب `·.¸¸.·¯`··._.·